Funn i samband med utgravinga "av ei tuft til lensmann Aarnes paa Tonning" i 1932. Fjordingen viser også til eit funn i 1842 på same staden, der det vart funne ei kvinnegrav frå vikingtida.
Funnet i 1932 vart ein spydodde (spydspiss) som iflg. Bergen Museum var 1400-1500 år gammal.
Alt dette er gjort på eigedomen som vi idag kallar Tingvoll, og som nyleg vart freda av Riksantikvaren.
Det står avslutningsvis i artikkelen: " Det fortelst ogso at staden er ein gamal tingstad. Var han brukt til det so tidleg som i folkevandringstidi, so er det rimeleg at spydodden kann setjast i samband med ei eller onnor hevnakti. Men dette er sjølvsagt berre hypoteser og gjetingar. Det er uråd aa ha noko verkeleg meining um det."