Biletet viser det einaste huset som vart øydelagt av tyske bomber i Stryn under 2. verdskrig. Åtaket var den 24. april 1940. Huset vart brukt til kommunehus (kontor og møterom). Opprinneleg var det skulehus (bygt i 1867-68) og brukt til det fram til 1911. Huset stod rett vest for det som i dag er Stryn Vertshus (omtrent der fontena på Per Bolstad Plass står). Heradskasseraren, Rasmus Næss, hadde like før bomba traff gått heim for å ete middag.