Jakob Neumann Hammer (Bergen) kjøpte handelsstaden av Reinert S. Sivertsen i 1856. Han gifte seg i 1858 med Antonette f. Osenbruch (Bergen) i Utvik. Svogeren hennar, Rasmus Gerhard Evje dreiv handel på Faleide, og broren Jørgen var handelsmann på Oldøren.
Mora til Jakob var dotter av biskop Jacob Neumann i Bjørgvin, som "gjenoppdaga" alterfrontalet i Nedstryn kyrkje og tok det med til Bergens Museum.
Tida rundt 1860 fram til 1880-åra var vanskelege for den "gamle" landhandlarstanden. I 1870-åra vart det skipa handelsforeiningar mange stadar, m.a. i Oppstryn, Nedstryn, Olden og Utvik. Desse foreiningane dreiv med handel og var stort sett eigde av bøndene
i bygda. Dei tidlegare einerådande landhandlarane fekk hard konkurranse og mange måtte gje seg.
Hammer selde eigedomen og næringa si til Johan Johannessen Loen i 1878 for kr 18000,-. Loen greidde seg godt og bygde både dampskipskai og hotell Brittania i Utvik, i tillegg til å drive handel.